Te tōmite nō te mau hōpoi’a tōro’a

Le cumul d’activités

Tei raro i te mana o te CSFPC te tōmite nō te mau hōpoi’a tōro’a. Nā na e tuatāpapa i te nūmerara’a faufa’a i rotopū i te mau ‘ohipa nō te maita’i o te tā’ato’ara’a ‘e te mau ‘ohipa unuma e hina’arohia nā te mau rave ‘ohipa ‘oire.

Te terera’a ‘ohipa

E va’u mahana i muri mai i te fāri’ira’a, e fa’atae atu te tāvana ‘e aore rā te peretiteni nō te ‘āmuitahira’a ‘oire i te fa’a’itera’a i te ‘āmuira’a tōro’a i te piha pāpa’i parau a te tōmite nō te mau hōpoi’a tōro’a, ‘āpitihia atu ‘e tā na tuatāpapara’a nō te anira’a ‘e te hō’ē parau pāpa’i e fa’a’ite nei i te nu’ura’a o te orara’a tōro’a a te rave ‘ohipa.

Te mau mero

I roto i te tōmite nō te mau hōpoi’a tōro’a  e vai nei te hō’ē  ha’avā a te tuha’a terera’a ‘ohipa mā’itihia nā te peretiteni nō te tiripuna ‘ohipa a te Hau nō Pōrīnetia farāni, e pae mero a te CSFPC mā’itihia nā tā na  mau mero iho, ti’a a te mau ‘oire, ‘e tae atu e pae mero a te CSFPC mā’itihia nā tā na mau mero iho, ti’a nō te mau rave  ‘ohipa.